اسلام آباد ۔ 13 جون(اے پی پی) سینیٹ دی قائمہ کمیٹیاں برائے دفاع اتے خارجہ امور دے سانجھے اجلاس اچ اے ڈسایا گئیا امریکہ نال ایف 16طیاریاں دی ڈیل دا باب بند تھی گئے،ہنڑ اے طیارے تھر ڈپارٹی دے ذریعے گھدے ویسن،پاکستان دنیا دے نال آپنڑے تعلقات میرٹ تے ودھاونڑ دی خواہش رکھیندے جڈانجو ملکی مفادات تے کوئی سمجھوتہ کائنا کیتا ویسی،بھارت چین اتے سلامی ملکاں دے خلاف آپنڑی خدمات امریکہ کوں پیش کیتن،پاکستان واشنگٹن اچ لابیسٹ دی خدمات گھنسی تانجو آپنڑے مفادات دے تحفظ اتے انڈین پروپیگنڈے دا موثر جواب ڈے سگے۔امریکہ کوں صاف لفظیں اچ آکھیے جو او آپنڑے مقاصد واضح کرے جو کیا او افغانستان اچ امن سانگے مذاکرات چاہندے یا جنگ،پاسپورٹس تفصیلات دے مطابق ملا منصور ایران توں پاکستان سفر کریندا پئیا ہئی ،پاکستان ایں حقیقت تے توجہ ڈتی ہوئی اے جو ڈرون حملے دے بعد تباہ تھی کار دے اندر اے کینویں محفوظ رہیا،دہشت گرداں دے افغان پناہ گزیناں کیپماں اچ محفوظ ٹھکانڑے ہن۔اے گالھیں اجلاس اچ سرتاج عزیز،سیکرٹری دفاع عالم خٹک اتے خارجہ سیکرٹری اعزاز احمد چوہدری دی بریفنگ ڈیندیں ہوئیں آکھی۔اجلاس دی سانجھی صدارت مشاہد حسین اتے نزہت صادق کیتی۔
