پیرس ۔14 جون (اے پی پی) یوئیفا یورو فٹ بال کپ (اج) بدھ کوں ڈو میچ کھیڈے ویسن ۔ ایں سلسلے وچ پہلا میچ روس اتے سلواکیہ دیاںٹیماں وچال کھیڈیا ویسی جڈانجو ڈوجھا میچ رومانیہ اتے سوئٹزرلینڈوچال کھیڈیاویسی۔ یوئیفا یورو فٹ بال کپ 2016ءوچ کانٹے دار مقابلیاں دا سلسلہ جاری ہے جیندے وچ 24 ٹیماں حصہ گھندیاں پن۔ تفصیلات دے مطابق ہسپانوی ٹیم مسلسل تریجھی وار ٹائٹل دا دفاع کرےسی۔ 10 جولائی تائیں جاری رہونڑ آلے ٹورنامٹ وچ24 ٹیماں حصہ گھنسن جنہاں کوں چھی گروپاں وچ تقسیم کیتا گئے، گروپ اے وچ فرانس، رومانیہ، البانیہ اتے سوئٹزرلینڈ، گروپ بی وچ انگلینڈ، روس، ویلز اتے سلواکیہ، گروپ سی وچ جرمنی یوکرین، پولینڈ اتے نادرن آئرلینڈ، گروپ ڈی وچ سپین، جمہوریہ چیک، ترکی اتے کروشیا، گروپ ای وچ بیلجیئم، اٹلی، جمہوریہ آئرلینڈ اتے سویڈن اتے گروپ ایف وچ پرتگال، آئس لینڈ، آسٹریا اتے ہنگری شامل ہن۔ ٹورنامنٹ دافائنل 10 جولائی کوں کھیڈیا ویسی۔
