ترک سیکورٹی فورسز دا داعش دے ٹھکانڑیاں تے حملہ، 13 دہشت گرد ہلاک

انقرہ ۔ 28 اپریل (اے پی پی) ترک سیکورٹی فورسز ولوںداعش دے ٹھکانڑے تے حملے دے نتیجے وچ 13 دہشت گرد ہلاک 7 زخمی تھی گئے ہن۔ترکی دے جنرل اسٹافکی ولوں جاری کردہ رپورٹ وچ آکھیاگیاہے جو گزریل ڈینھ حلب دے شمال وچ سرحد توں12 اتے ترکی دے ضلع کیلیس توں 26 کلو میٹر دے فاصلے تے ترک سیکورٹی فورسز دووائبک دے علاقے وچ دہشت گرد تنظیم داعش دے ٹھکانڑیاں اتے ترئے منزلہ عمارت کوں مارٹر توپاں نال نشانہ بنڑایا جیندے نال دہشت گرد تنظیم دے ٹھکانڑے اتے ترئے منزلہ عمارت تباہ تھی گئی۔ گولہ باری دے نتیجے وچ 13 دہشت گرد ہلاک 7 زخمی تھی گئے ہن۔بیان وچ آکھیا گیا ہے جو عمارت دی تلویں منزل وچ موجود 150 راکٹ وی ناکارہ تھی گئے ہن۔