سعودی شہری انڈونیشیادے سفر سانگے ویزے توں مستثنیٰ

ریاض ۔ 29 اپریل (اے پی پی) سعودی وزارت داخلہ وچ تعلقات عامہ اتے ذرائع ابلاغ دے ڈائریکٹر ڈاکٹر محمد بن عبداللہ المرعول ڈسایا جو انڈونیشیا دے سفر کرنڑ دے خواہش مند سعودی شہریاں کوں 30 ڈینھاں تائیں قیام سانگے ویزے توںمستثنیٰ کرڈتا گئے تاہم ایہ استثناءمیڈیا مقاصد سانگے کینی۔ انہاں ڈسایا جو اے ویزا فری داخلہ ناقابل تجدید ہوسی اتے اینکوں قیام دے ویزے وچ تبدیل نی کرایا ونج سگدا۔المرعول دا آکھنڑ ہا جو مذکورہ استثناءنال سفارتی پاسپورٹ دے علاوہ خصوصی اتے عام پاسپورٹ دے حامل بندے وی فائدہ چا سگسن اتے ایندا اطلاق 10 مئی 2016 توں تھیسی۔