کوٹلی ستیاں ۔ 25 اپریل (اے پی پی) وزیراعظم محمد نواز شریف آکھیا جو پاکستان مسلم لیگ(ن) دی سیاست،ترقی خوشحالی اتے ملک اچوں غربت مکاونڑ دی سیاست اے،اساں دھرنے،تباہی اتے کوڑ الاونڑ دی سیاست نی کریندے،عوام نال کیتے گئے سارے وعدے پورے کریسوں،پاک چین اقتصادی راہداری دے منصوبے نال نہ صرف پاکستان جڈانجو سارے خطے دی تقدیر بدل ویسی،خواہش اے جو مظفر آباد توں میر پور تئیں چنگی موٹرے بنڑائی ونجے اتے کوٹلی ستیاں کوں ایں موٹروے نال رلایا ونجے۔اے گالھ انہاں خمیس کوں اتھاں بارشاں اتے لینڈ سلائیڈنگ توں متاثرہ بندیاں اچ امدادی رقم ونڈنڑ دے موقع تے ہک وڈے کٹھ نال خطاب کریندیں ہوئیں آکھی۔اے امداد بارشاں توں متاثرہ بندیاں سانگے خصوصی پیکیج اے ،کوٹلی ستیاں اچ متاثرین سانگے4کروڑ 94لکھ روپے دی امدادی رقم سمیت ضلع راولپنڈی دی چار تحصیلاں سانگے 21کروڑ36لکھ روپے ونڈیے ویسن۔وزیر اعظم کوٹلی ستیاں اچ جدید ترین ہسپتال بنڑاونڑ دا وی اعلان کیتا ۔
