راولپنڈی ۔ 25 اپریل (اے پی پی) پاکستان اتے رومانیہ دفاعی شعبے اچ تعاون کوں ودھاونڑ تے اتفاق ظاہر کیتے جڈاں جو پاکستان رومانیہ دے پوما ہیلی کاپٹراں اچ دلچسپی دا اظہار کیتے ۔ایں سلسلے اچ وفاقی وزیر دفاعی پیدوار رانا تنویر حسین رومانیہ دے اعلیٰ سطحی وفد نال ملاقات کیتی جیں اچ سانجھی دلچسپی اتے دفاعی شعبے اچ تعاون ودھاونڑ دے امور تے خیالاں دا تبادلہ تھیا ۔وفاقی وزیر دفاعی پیداوار رانا تنویر حسین آکھیا جو پاکستان اتے رومانیہ دی سانجھ خطے اچ ہتھیاراں دی ڈور اچ شامل تھیونڑ نی بلکہ ڈوہیں ملکاںدیاں ضرورتاں پوریاں کرنڑ سانگے ہے ۔رانا تنویر حسین رومانیہ دے پوما ہیلی کاپٹراں اچ دلچسپی دا اظہار کیتا ،پاکستان آرمی انہاں ہیلی کاپٹراںکوں 1987توں 1988دے دوران خوراک اتے آلات دی ترسیل سانگے استعمال کرچکی ہے ۔رومانیہ دے اعلیٰ سطحی وفد پاکستان آرڈیننس فیکٹریز واہ کینٹ ‘ پاکستان ایروناٹیکل کمپلیکس اتے ہیوی انڈسٹریز ٹیکسلا داوی دورہ کیتا اتے دفاعی شعبے اچ تعاون دے شعبے دی نشاندہی کیتی
