پنجاب اتے سندھ دیاں ٹیماں(اج) پاکستان بین الصوبائی ون ڈے کرکٹ کپ وچ آمنڑے سامنڑے ہوسن

اسلام آباد ۔28 اپریل (اے پی پی )پاکستان کرکٹ بورڈ دے زیر اہتمام پاکستان بین الصوبائی ون ڈے کرکٹ کپ وچ (اج) جمعہ کوں ہک میچ کھیڈیا ویسی جیندے وچ پنجاب اتے سندھ دیاں ٹیماں آمنڑے سامنڑے ہوسن۔ شعیب ملک پنجاب دی ٹیم دی قیادت کریسن جڈانجو محتشم الرشید کوچنگ پینل وچ شامل ہن۔ کھلاڑیاں وچ سلمان بٹ، شان مسعود، اسد شفیق، آصف علی، عبدالرحمان، محمد رضوان، عامر یاسین، سعد نسیم، شدیب ملک، قاسم بھٹی، عامر یامین، سعد نسیم، سیف، عامر بٹ، عدنان آل رائونڈر اتے سلمان فیاض شامل ہن۔ قومی ٹی ٹونٹی ٹیم دے کپتان سرفراز احمد سندھ دی ٹیم دی قیادت کریسن جڈانجو توصیف احمد اتے اقبال امام کوچنگ پینل وچ شامل ہن ۔کھلاڑیاں وچ خرم منظور، سمیع اسلم، محمد وقاص، شعیب مسعود، خالد لطیف، فواد عالم، سعد علی، سرفراز احمد، عماد وسیم، انور علی، بلال آصف، محمد عامر، سہیل خان، رمان رئیس اتے انڈر 19دے کھلاڑی حسن خان اتے آل رائونڈر حسن محسن شامل ہن۔ واضح رہوے جو ٹورنامنٹ وچ 30 اپریل کوں ریسٹ ہوسی۔ ٹورنامنٹ دیاں ٹاپ ڈو دو ٹیماں وچال یکم مئی کوں فائنل میچ کھیڈیاویسی۔