امریکا وچ گن کلچر دے خلاف احتجاجی ریلی

نیویارک ۔ 9 مئی (اے پی پی) امریکا وچ گن کلچر اتے تشدد آمیز اقدامات دے خلاف لوکاں احتجاجی ریلی کڈھی ہے۔امریکی میڈیا دے مطابق امریکی شہریاں نیوریاک دیاں سڑکاں تے ریلی کڈھ تے پورے ملک وچوں گن کلچر، فائرنگ اتے تشدددے اقدامات کوں مکاونڑ دا مطالبہ کیتا ہے ۔ ریلی وچ وڈی تعداد اچ عام شہریاں حصہ گھدا ۔ مامز ڈیمانڈایکشن نامی گروپ ولوںایںریلی دا اہتمام کیتا گیا ہئی ، تنظیم امریکا وچ گن کلچرکوں مکاونڑ دے قنون وچ اصلاحات دا مطالبہ کریندی پئی ہے ۔ تنظیم دا مطالبہ ہے جو امریکی حکومت اتے کانگریس ہک ایجھا سخت قنون بنڑاوے جو ملک وچ آزادنہ طریقے نال اسلحہ گھن تے ٹرنڑ تے پابندی لاوے ۔واضح رہوے جو نیویارک شہر دے سکولاں وچ تعلیم حاصل کرنڑ آلے بالیں دے ماں پیو کوں پچھلے کجھ مہینے دے دوران اسکولاں وچ اسلحہ ہونڑ دیاں خبراں تے سخت تشویش لاحق ہے۔ ریلی وچ شریک مظاہرین اپنڑے ہتھاں وچ ایجھے پلی کارڈ چاتے ہوئی ہن جنہاں تے لکھیا ہائی جو ہنڑ تشدد بند تھیونڑ چاہیدے اتے اساںآزادانہ اسلحہ گھن تے ٹرنڑں دے مخالف ہیسے ۔