بشار اسد شام دے قانونی صدر ہن، شام دے سیاسی مستقبل دا فیصلہ، شامی عوام ہی کرسگدے ہن، روس

ماسکو ۔ 6 مئی (اے پی پی) مشرق وسطی دے امور بارے روسی صدر دے نمائندے میخائیل بوگدانف آکھیا اے جو بشار اسد شام دے قانونی صدر ہن، شام دے سیاسی مستقبل دا فیصلہ، شامی عوام ہی کرسگدے ہن۔روس دے نائب وزیر خارجہ اتے مشرق وسطی دے امور بارے روسی صدر دے نمائندے میخائیل بوگدانف ماسکو اچ جمعہ کوں ایران دے نائب وزیر خارجہ حسین امیر عبداللہیان نال گالھ مہاڑ کریندے ہوئیں شام اچ فائر بندی دا دائرہ وسیع کرنڑ دی ضرورت تے زور ڈتا ۔انھاں مسلح گروپاں اتے کجھ علاقائی ملکاں ولوں جینوا اچ شامی فریقاں وچال مذاکرات دے عمل کوں کمزور بنڑاونڑ دی کوشش تے کڑی تنقید کریندے ہوئیں تاکید دے نال آکھیا جو شام دے سیاسی مستقبل دا فیصلہ عوام ہی کر سگدے ہن اے شامی عوام دا مسلمہ حق ہے ۔