لندن۔ 4 مئی (اے پی پی) برطانوی نشریاتی ادارے دے مطابق بین الاقوامی مذہبی آزادی تے نظر رکھنڑ آلے امریکی امریکی کمیشن یو ایس سی آئی آر ایف دی تازہ رپورٹ دے مطابق 2015 اچ بھارت اچ عدم برداشت اتے مذہبی آزادی دے حقوق دی خلاف ورزی دے معاملات اچ ودھارا تھیا ہے ۔ایں رپورٹ اچ اہم نکات دے مطابق اقلیتاں کوں اکثریتی ہندو تنظیماں دے ہتھاں ،دھمکیاں ،ہراساں کیتے ونجنڑ اتے تشدد دے ودھدے ہوئے واقعات دا سامنڑاں ہے ۔حکمراں بھارتیہ جنتا پارٹی دے رہنما انہاں تنظیماں دی خاموش حمایت کریندے ہن اتے ماحول کوں زیادہ خراب کرنڑ اچ مذہبی جذبات کو ںمشتعل کرنڑ آلی زبان استعمال کریندے ہن ۔ پولیس دے متعصب رویے اتے عدالت توں وختی انصاف ملنڑ پاروں اقلیتی براداری دے لوک خود کوں غیر محفوظ محسوس کریندے پئے ہن ۔گزریل سال مسلماناں کوں ودھدے ظلم ،تشدد اتے اشتعال انگیز تقریراں دا شکار تھیونڑاں پیا ۔
