جاری مالی سال 2015-16ءدے پہلے 10مہیناں دے دوران بینکاں توں گھدے گئے حکومتی قرضیاں دی شرح وچ 34 فیصد دی گھٹکی

اسلام آباد ۔ 11 مئی (اے پی پی) جاری مالی سال 2015-16ءدے پہل10 مہیناں دے دوران بینکاں توں گھدے گئے حکومتی قرضیاں دی شرح وچ 34 فیصد دی گھٹکی واقع تھی ہے۔ سٹیٹ بینک آف پاکستان دی رپورٹ مطابق جولائی توں اپریل 2015-16ءدے دوران حکومت مختلف بینکاں توں748.61 ارب روپے دا قرضہ گھدا جڈانجو گزریل مالی سال 2014-15ءدے ایں عرصے دے دوران حکومت بینکاں کوں فروخت کیتیاں گئیاں سیکورٹیز نال حکومت 1141.89 ارب روپے دا قرضہ گھدا ہا۔ رپورٹ دے مطابق گزریل مالی سال دے مقابلے وچ اجوکے مالی سال دے دوران بینکاں توں گھدے گئے حکومتی قرضیاں دی شرح وچ 34 فیصد دی نمایاں گھٹکی ریکارڈ کیتی گئی ہے۔