جدیدجمہوری معاشرے دا انحصار اطلاعات دی آزادانہ فراہمی اتے اطلاعات دے حق تے ہے ،ہک آزاد اتے جمہوری معاشرے سانگے آزادی صحافت اتے اطلاعات تئیں رسائی بنیادی تقاضا ہے ،صرف تعلیم اتے باخبر شہری ملک دی ترقی اتے خوشحالی ا چ تعمیری اتے کلیدی کردار ادا کر سگدے ہن وزیراعظم نوازشریف دا آزاد ی صحافت دے عالمی ڈینھ دے موقع تے سنھیا

اسلام آباد ۔ 3 مئی (اے پی پی) وزیراعظم محمد نواز شریف آکھیا اے جو جدیدجمہوری معاشرے دا انحصار اطلاعات دی آزادانہ فراہمی اتے اطلاعات دے حق تے ہے ،ہک آزاد اتے جمہوری معاشرے سانگے آزادی صحافت اتے اطلاعات تئیں رسائی بنیادی تقاضا ہے۔صحافت دے عالمی ڈینھ دے موقع تے اپنڑے سنھیے اچ وزیراعظم آکھیا جو انہاں دا یقین ہے جو صرف تعلیم یافتہ باخبر شہری ملک دی ترقی اتے خوشحالی اچ تعمیری اتے کلیدی کردار اد ا کر سگدے ہن ۔انہاں آکھیا جو اساں ہر سال آزادی صحافت دا ڈینھ منیندوں اتے انہاں دے بنیادی اصولاں تے زور ڈیندوں جو میڈیا دی آزادی دا تحفظ کیتا ونجے اتے اپنڑیاں پیشہ ورانہ ذمے واریاں دی ادائیگی دے دوران اپنڑیاں جاناں کوں خطرے اچ پاونڑ دا احترام کیتا ونجے اتے انہاں دیاں خذمتاں کو ں من گھدا ونجے ۔انہاں آکھیا جو پاکستان دے دستور دا آرٹیکل 19اتے 19اے تقریر اتے اظہار دی آزادی اتے اساڈی حکومت آئین اچ ڈتی گئی صحافت تے یقین رکھیندی ہے ۔وزیر اعظم آکھیا جو اساں اظہار رائے دی آزادی کوں ملک دی آزادی دے برابر سمجھدوں ۔وزیراعظم آکھیا جو اساں ایں گالھ تے یقین رکھیندوں جو آزادی اظہار سانگے محفوظ ماحول ضروری ہے ،حکومت میڈیا تنظیماں اتے صحافی برادری دے نال رل تے پرنٹ تے الیکٹرانک میڈیا دی ترقی سانگے سہولیات فراہم کرنڑ سانگے کم کریندی پئی ہے ۔