اسلام آباد ۔ 7 مئی (اے پی پی) بحرین اچ پاکستان دے سفیر جاوید ملک آکھے جو حکومت سمندر پار پاکستانیاں دے کردار کوں بہوں اہمیت ڈیندی ہے ۔ سمندر پار پاکستانیاں کوں سہولتاں ڈیونڑ موجودہ حکومت دیاں ترجیحات اچ شامل ہے۔سفیر جاوید ملک یو اے ای اچ راہونڑآلے پاکستانیاں اتے سفارتخانے وچال مثبت تعلقات اتے رابطیاں کوں فروغ ڈیونڑ سانگے خصوصی پرگرام جاری کرڈتے ۔ ایں اقدام دا مقصد سفارت خانے اتے پاکستانی کمیونٹی وچال گانڈھے کوں مستحکم کرنڑ کیتے سفارتخانے اچ باقاعدگی نال مختلف پروگراماں کوں شرو ع کرنڑہے ۔ ایندے نال با صلاحیت پاکستانیاں دا حوصلہ ودھسی۔ چھنڑ چھنڑ کوں خصوصی پرگرام دے افتتاحی سیشن نال الیندئے ہوئیں سفیر جاوید ملک آکھیا جو اساں پاکستانی کمیونٹی اتے سفارتخانے وچال درمیان مثبت سانجھے داری اتے ٹیم ورک دے زریعے بحرین اتے خطے اچ پاکستان کوں فروغ ڈیونڑ سانگے کم کرنڑاں چاہندے ہئیں۔
