اسلام آباد ۔ 3 مئی (اے پی پی) آوندے ترئے سال دے دوران ریڈی میڈ گارمنٹس دیاں برآمدات دا حجم 35 ارب ڈالر تائیں ودھاونڑدا ہدف مقرر کیتا گیا ہے جیندے سانگے پیداواری اخراجات وچ گھٹکی دے اقدامات ناگزیر ہن جنہاں دے بغیر برآمدای ہدف دا حصول ممکن نی۔ پاکستان ریڈی میڈ گارمنٹس مینو فیکچررز اینڈ ایکسپورٹرز ایسوسی ایشن ( پریگما) دے چیئرمین شیخ محمد شفیق اپنڑے ہک بیان وچ آکھیا جو اساڈیاں برآمدات وچ گھٹکی دی وجہ پیداواری اخراجات وچ تھیونڑ آلا ودھارا ہے۔ انہاں آکھیا جو پیداواری اخراجات دی وجہ نال اساڈی مصنوعات عالمی مارکیٹ وچ چنگا مقابلہ نی کرسگدیاں۔ پریگما دے چیئرمین اعلیٰ حکام توں درخواست کیتی ہے جو پیداواری اخراجات وچ گھٹکی سانگے جامع پالیسی دے تحت اقدامات دی ضرورت ہے جیندے سانگے صنعتی شعبہ کیتے توانائی دیاں قیمتاں وچ گھٹکی وقت دی اہم ضرورت ہے تاں جو برآمدی ہدف دے حصول کو ںیقینی بنڑا تے ملکی معیشت دے استحکام وچ مدد حاصل کیتی ونج جا سگے۔
