اسلام آباد ۔ 26 مئی (اے پی پی) تعمیرات دے شعبے دی سٹیل اتے لوہے دی طلب پوری کرنڑ سانگے مقامی صنعت کوں حکومتی معاونت دی ضرورت ہے۔ پاکستان سٹیل میلٹرز ایسوسی ایشن ( پی ایس ایم اے) دے چیئرمین میاں اقبال طارق حکومت توں درخواست کیتی ہے جولوہے دی مقامی صنعت کوں تحفظ فراہم کیتاونجے۔ انہاں آکھیا جو ایں ویلھے ملک وچ300 سٹیل میلٹنگ اتے 500 ری رولنگ کارخانے کم کریندے پن جیرھے اپنڑی پیداواری استعداد دے صرف 30 فیصد حصے دے برابر پیداوار ڈیندے پن ۔ انہاں آکھیا جو اگر حکومت مقامی صنعت دی سرپرستی کرے تاںایہ مقامی صنعتاں اپنڑی پیداوار ودھا تے سٹیل اتے لوہے دی مقامی طلب کو ںپورا کرنڑ دی استعداد رکھیندیاں ہن ۔ انہاں آکھیا جوسٹیل اتے لوہے دیاں مصنوعات دی درآمدات دی حوصلہ شکنی نال مقامی صنعت کوں تحفظ ملسی اتے ایندے نال ملکی معیشت تے وی چنگے اثرات تھیسن۔
