ملک وچ گرین ٹیکنالوجی دے فروغ سانگے اقوام متحدہ دے ادارہ برائے صنعتی ترقی( یونیڈو) دا”کلین ٹیکنالوجی کمپیٹیشن ان پاکستان” دا آغاز

اسلام آباد ۔ 25 مئی (اے پی پی) ملک وچ گرین ٹیکنالوجی دے فروغ سانگے اقوام متحدہ دے ادارہ برائے صنعتی ترقی( یونیڈو) ”کلین ٹیکنالوجی کمپیٹیشن ان پاکستان” دا آغازکیتاہے۔ یونیڈو دے بیان دے مطابق کلین ٹیکنالوجی دے فروغ نال صنعتی اداریاں، نویاں ایجادات متعارف کراونڑ آلیاں اتے اپنڑے کاروبار شروع کرنڑ آلے نویاں اداریاں اتے کمپنیاں کوں گرین ٹیکنالوجی دے حوالے نال آگاہی حاصل تھئی اتے ایندے نال اخراجات وچ بچت، توانائی دی گھٹکی دے مسئلے تے قابو پاونڑ، مقابلے دی فضا پیدا کرنڑ وچ مددگھنڑ اتے ماحولیات تے مثبت اثرات مرتب ہوسن۔ یونیڈو بین الاقوامی سطح تے گلوبل کلین ٹیک انوویشن پروگرام شروع کیتا ہے تاں جو صنعتی ترقی وچ معاونت فراہم کیتی ونج جا سگے۔ پاکستان وچ شروع کیتا ونجنڑ آلا کمپیٹیشن وی یونیڈو دے ایں عالمی پروگرام دا حصہ ہے۔