اسلام آباد ۔ 19 مئی (اے پی پی) پاکستان دا بھارت دے سپر سانک انٹر سپٹر میزائل دے تجربے تے تشویش دا اظہار،اے تجربہ خطے اچ طاقت دے عدم توازن دا باعث بنڑسی،اساں آپنڑی دفاعی لوڑھ توں غافل کائنی،پاکستان موثر ڈیٹرنس برقرار رکھنڑ دا حق محفوظ رکھیندیں ہوئیں آپنڑی عوام اتے سرحداں دے دفاع سانگے تیار اے،پاکستان امریکہ اتے جنیوا اچ تخفیف اسلحہ بار ے کانفرنس دے رکن ملکاں کوں میزائل پروگرام دے بھارتی عزائم بارے آپنڑی تشویش بارے ڈسائے۔پاکستان سارے دہشت گرداں دے خلاف غیر امتیازی کاروائی کرینداپئے،چار فریقی رابطہ گروپ سارے طالبان گروپاں کوں مذاکرات دی میز تے گھن آونڑ سانگے کوشاں اے۔دفتر خارجہ دے ترجمان محمد نفیس زکریا خمیس کوں ہفتہ وار پریس بریفنگ اچ صحافیاں دے سوال دے جواب ڈیندیں ہوئیں اے گالھیں ڈسائی۔ہک سوال دے جواب اچ انہاں آکھیا جو ایف سولھا طیاریاں بارے ہک سوال دے جواب اچ انہاں آکھیا جو پاک امریکہ تعلقات کوں ایف سولھا طیارے دے دائرے اچ نی ڈیکھنڑاں چاہیدا ۔امریکہ ایف سولھا طیارے ایں سانگے پاکستان کوں ڈیونڑ چاہندے جو او دہشت گردی دے خلاف جنگ نتیجہ خیز ہوسی،اے مسئلہ حالی بند کائنی تھیا۔
