اسلام آباد ۔ 5 مئی (اے پی پی)وزیراعظم محمد نواز شریف آکھیا اے جو پاکستان مسلم لیگ(ن) دی حکومت فلاح سانگے ڈینھ رات کم کریندی پئی ہے،وسائل قوم دی امانت ہن ،ہک ہک پئی عوام دی ترقی تے خوشحالی تے خرچ کریندے پیوں ۔انہاں اے گالھ پاکستان مسلم لیگ ندے قومی اسمبلی دے رکناں ناصر اقبال بوسال (این اے 109) ، ملک شاکر بشیر اعوان (این اے 70)، اتے نجف عباس سیال (این اے 91) نال گالھ مہاڑ کریندے ہوئیں آکھی جنہاں خمیس کوں وزیر اعظم ہاﺅس اچ انہاں نال انجھ انجھ ملاقات کیتی۔ ترائی پارلیمنٹ دے ارکان وزیراعظم دے نال اپنڑے حلقے اچ عوامی مسلیں ،جاری ترقی دے کماں اتے سیاسی امور تے گالھ مہاڑ کیتی وزیرا عظم کوں کوں ڈسایا گیا جو انہاں دے ترقی دے کماں دی چنگی حمایت کریندوں اتے انہاں دی قیادت اچ پالیسیاں تے چنگاں اعتما د کریندوں۔ وزیراعظم آکھیا جو عوام کوں زندگی دیاں بنیادی سہولتاں ڈیونڑ سانگے ترجیحی بنیاداں تے وسائل ڈتے ویندے پن ۔ وزیراعظم آکھیا جو انشاءاللہ ملک اچ امن دی بحالی، توانائی دے بحران دے خاتمے، پاک چین اقتصادی راہداری اتے انفراسٹرکچر دے منصوبیں کوں تکھی رفتار اچ جاری رکھیا ویسی۔
