چین دے لوکیں کیتے پاکستان ڈوجھاگھر ہے ، پاکستان اتے چین دے تعلقات جیواکنامک دور اچ داخل تھی گئے ہن ، ساری دنیا اچ تبدیلی آندی پئی ہے اتے ساری دنیا دیاں نظراں ایشیاء تے ہن ، وفاقی وزیر منصوبہ بندی، ترقی تے اصلاحات احسن اقبال

اسلام آباد ۔ 26 مئی (اے پی پی) وفاقی وزیر منصوبہ بندی، ترقی و اصلاحات احسن اقبال آکھے جو چین دے لوکیں کیتے پاکستان ڈوجھا گھر ہے ، پاکستان اتے چین دے تعلقات جیواکنامک دور اچ داخل گئے ہن ، ساری دنیااچ تبدیلی آندی پئی ہے اتے ساری دنیا دیاں نظراں ایشیاء تے ہن ۔ اے گالہیں انہاں خمیس کوں نسٹ یونیورسٹی اچ بیجنگ فورم دی تقریب نال خطاب اچ آکھیاں ۔ وفاقی وزیر آکھیا جو ایں فورم دی اہمیت ایں سانگے وی ودھ ساری ہے جو اساں پاکستان اتے چین وچال سفارتی دوستی دی 65 ویں سالگرہ منیدے پئے ہئیں ۔ انہاں آکھیا جو ہک سال پہلے سی پیک منصوبہ کاغذ دا ہک پُرزہ ہئی جڈانجو ہنڑایں منصوبے تے عملی کم شروع تھی گئے ۔ انہاں آکھیا جو علاقائی رابطیاں دے ودھارے اچ پاک چین اقتصادی راہداری دا اہم کردار ہو سی ۔ انہاں آکھیا جو سیاسی عدم استحکام دا رستہ روکنڑاں ہوسی ، سیاسی استحکام دے نال نال معاشرتی ہم آہنگی دی وی لوڑ ہے ۔ انہاں آکھیا جو ماضی اچ توانائی اتے ٹرانسمیشن لائنز تے توجہ کائنی ڈتی گئی ، اقتصادی راہداری منصوبے نال پاکستان دی توانائی دی کمی پوری تھی ویسی ۔