گزریل چار سالیں توں کنڑک دی پیداوار اچ ودھارا تھیے،امدادی نرخ وی متعلقہ فریقین دے مشورے نال مقرر کیتی ویسن،وفاقی وزیر سکندر حیات بوسن دا سینیٹ اچ تحریک التواء تے بحث نبڑیندیں ہوئیں گالھ مہاڑ

اسلام آباد ۔ 19 مئی (اے پی پی) وفاقی وزیر نیشنل فوڈ سیکیورٹی سکندر حیات بوسن آکھیا جو گزریل چار سالیں توں کنڑک دی پیداوار اچ ودھارا تھیے،امدادی نرخ وی متعلقہ فریقین دے مشورے نال مقرر کیتی ویسن،صوبیاں ولوں زراعت تے سرمایہ کاری گھٹ کر نڑ نال مسئلے ودھدے پئن ،پنجاب دے علاوہ کہیں صوبے کساناں دی مالی امداد کائنی کیتی،ٹریکٹرز تے ڈیوٹی گھٹ کریسوں،پیداواری لاگت اچ گھٹکی نال زرعی شعبے اچ انقلاب امسی۔انہاں آکھیا جو خوراک ہنڑ صوبائی معاملہ اے ایں سانگے وفاقی حکومت امدادی نرخاں دا تعین کریندی اے۔انہاں آکھیا جو ایں سال کنڑک دی پیداوار دا ہدف گزریل سالیں توں ودھ اے۔گزریل ترائے چار سالیں توں اساں ودھ کنڑک پیدا کریندے پیسے اتے اوسطاً25ملین ڈالر ٹن پیداوار اے جئیں اچوں 7ملین ٹن ذخیرہ کیتی ونج سگدی اے۔کنڑک دی مارکیٹ اچ 1100نرخ چلدے پئن ایں پاروں مڈل مین فائدہ چیندے۔انہاں آکھیا جو اساڈی کوشش اے جو زرعی ٹیکس گھٹ کیتے ونجن اتے امدادی نرخ وی متعلقہ فریقین دے مشورے نال مقرر کیتے ونجن ۔