آسٹریلیا ویسٹ انڈیز کوں 58 رنز توں ہرا تے ترائے ملکی سیریز جت گھدی

بارباڈوس ۔ 27 جون(اے پی پی) آسٹریلیا ویسٹ انڈیز کو ں58 رنز توں ہرا تے ترائے ملکی سیریز جت گھی، میزبان ٹیم ویسٹ انڈیز 271 رنز داہدف پورا نہ کر سگی اتے پوری ٹیم 212 رنز تے آئوٹ تھی گی، جوش ہیزل ووڈ 5 وکٹاں گھدیاں، انکوں سیریز دا بہترین کھلاڑی قرار ڈتا گیا، مچل مارش کو ں32 رنز اتے 3 وکٹاں نال مین آف دی میچ قرارڈتا گیا ۔ تفصیل دے مطابق برج ٹائون، بارباڈوس اچ کھیڈے گے ترائے ملکی ٹورنامنٹ دے فائنل اچ آسٹریلیا دے کپتان سٹیون سمتھ ٹاس جت تے پہلے بیٹنگ دا فیصلہ کیتا جیرھا جو درست ثابت تھیا ، کینگروز مقررہ 50 اوورز اچ 9 وکٹاں دے ضیان تے 270 سکور بنڑائے میتھیو ویڈ 57 رنز دی ناقابل شکست اننگزکھیڈیاتے بئے بلے بازاںاچ ایرن فنچ 47 ، سٹیون سمتھ 46 اتے مچل مارش 32 رنزدے ناں ساریں توں اگی تے رہیے۔ جیسن ہولڈر اتے شینن گیبریل ڈو ،ڈو وکٹاں گھدیاں۔ ویسٹ انڈین ٹیم جوش ہیزل ووڈ دی تباہ کن بائولنگ پاروں ہدف پورا نہ کر سگی اتے پوری ٹیم 45.4 اوورز اچ 212 رنز بنڑا تے آئوٹ تھی گی۔