اسلام آباد ۔16 جون(اے پی پی) وزیر دفاع خواجہ آصف آکھیا جو افغانستان دے ادارے تحریک طالبان دی قیادت دی پشت پناہی کریندے پیسے،پاکستان افغانستان نال پر امن اتے دوستانہ تعلقات دا خواہش مند اے،افغان فورسز طورخم بارڈر تے بلااشتعال فائرنگ کیتی،پاکستان سرحدی انتظام سانگے کہیں قسم دی ایڈجسٹمنٹ توں کڈاہیں انکار کائنی کیتا،پاکستان اچ 30لکھ افغان پناہ گزیناں دی موجودگی دا احساس افغانستان اتے باقی دنیا کائنی منیا،افغان پناہ گزین واپس چلیے ونجن تاں کوئٹہ شوریٰ دے اجلاساں اتے بئے الزاماں دی نوبت ای کائنا امسی۔خمیس کوں ایوان بالا دے اجلاس اچ پاک افغان سرحد تے کشیدگی بارے پالیسی بیان ڈیندیں ہوئیں انہاں آکھیا جو افغانستان نال پاکستان دی سرحد کئی عشریاں توں کھلی اے اتے پچھلے چار عشریاں توں ایندی پاکستان کوں وڈی بھاری قیمت چاونڑی پئی اے۔ایں ویلھے30لکھ افغان پناہ گزین پاکستان اچ رہندے پئن اتے اساڈی معیشت اتے سماجی زندگی تے اثر انداز تھیندے پئن ۔انہاں آکھیا جو ایں ویلھے ڈوہاں ملکاں وچال ماحول اچ کشیدگی اے ،اینکوں اساں بئیا نی وگاڑنڑاں چاہندے،پاکستان دی سابق حکومتاں وی سرحدی اتنظام سانگے کہیں قسم دی ایڈجسٹمنٹ توں انکار کائنی کیتا ایں بارے کجھ علاقے ہک ڈوجھے دے حوالے وی کیتے ونج سگدن۔ایں ویلھے 77کراسنگز اچ چمن اتے طورخم وڈی کراسنگ ہن ،حالی 9نوٹیفائیڈ کراسنگز بند ہن ۔انہاں آکھیا جو پاکستان پہلے وی آکھدا رہیے جو اساڈی سلامتی اتے دہشت گردی دے خلاف جنگ اچ قربانیاں بارے سرحدی ا نتظا م اہم اے،ایں تے کوئی دورائے نی تھی سگدی۔انہاں آکھیا جو سرحدی لائن انتظام بارے افغانستان دا اعتراض اے جو زیرو لائن تے پاکستان گیٹ نی بنڑا سگدا،حالانکہ بھارت نال سرحد تے گیٹ زیرو لائن ہن ۔انہاں آکھیا جو افغانستان برادر اسلامی ملک اے،اساڈے مفادات اوندے نال شریک ہن جڈانجو اوندا اعتراض بلاجواز اے۔انہاں آکھیا جو افغانستان امیگریشن دی سہولتاں دی تعمیر سانگے رپھنڑ پیندا پئے ۔انہاں آکھیا جو پاکستان افغانستان نال پر امن تعلقات دی خواہش رکھیندے۔افغانستان اچ امن قائم کیتے بغیر پاکستان اچ امن نی تھی سگدا۔
