لندن ۔ 09 جون (اے پی پی) ایف آئی ایچ مینز ہاکی چیمپئنز ٹرافی (اج) جمعہ توں 17 جون تائیں کوئنز الزبتھ اولمپک پارک لندن وچ کھیڈی ویسی ۔ ایف آئی ایچ ولوںجاری کردہ بیان دے مطابق ہک ہفتے تائیں جاری رہونڑآلے ایونٹ وچ چھی ٹیماںٹائٹل دے حصول سانگے ایکشن وچ ڈکھائی ڈیسن جنہاں وچ میزبان برطانیہ، عالمی چیمپئن آسٹریلیا، جرمنی، کوریا، بھارت اتے بیلجیئم شامل ہن۔ ٹرافی وچ شریک ٹیماں وچال فائنل سمیت مجموعی طور تے 18 میچ کھیڈے ویسن اتے ہر ٹیم ہک بئے دے خلاف ترئے ، ترئے میچ کھیڈسی اتے ڈوٹاپ ٹیمان وچال فائنل تھیسی۔ پہلے ڈینھ ترئے میچاں دے فیصلے ہوسن، پہلے میچ وچ جرمنی اتے بھارت، ڈوجھے میچ وچ کوریا اتے بیلجیئم جڈانجو تریجھے تے چھیکڑی میچ وچ برطانیہ دا مقابلہ آسٹریلیا نال تھیسی، 16 جون کوں آخری ترئے لیگ میچ کھیڈے ویسن جڈانجو 17 جون کوں فائنل سمیت تریجھی اتے پنجویں پوزیشناں دے میچ کھیڈے ویسن ۔
