بندل آئی لینڈ دے نیڑے ایل این جی ٹرمینل دی تعمیر نال دفاعی تنصیبات کو ں کوئی خطر ہ کائنی ،وفاقی وزیر قانون تے موسمیاتی تبدیلی زاہد حامد دا ایوان بالا اچ توجہ ڈیواﺅ نوٹس تے گالھ مہاڑ ،چیئرمین سینٹ معاملہ متعلقہ قائمہ کمیٹی دے حوالے کر ڈتا

اسلام آباد ۔10 جون(اے پی پی) وفاقی وزیر قانون تے موسمیاتی تبدیلی زاہد حامد آکھیا ہے جو کراچی اچ بندل جزائر دے نیڑے ایل این جی ٹرمینل دی تعمیر نال دفاعی تنصیبات کو ںکوئی خطرہ کائنی۔ جمعہ کوں ایوان بالا دے اجلاس اچ سینیٹر شیری رحمان‘ کریم خواجہ اتے تاج حیدر دے توجہ ڈیواﺅ نوٹس دے جواب اچ انہاں آکھیا جو ایں ویلھے ایل این جی سانگے ترائے ٹرمینل تعمیر توں پہلے ماحولیاتی اثرات دا وی جائزہ گھدا گے ۔اے تاثر درست کائنی جو ایل این جی ٹرمینل بندل جزائر تے بنڑیا ویسی بلکہ اے ٹرمینل بندل جرائر دے نیڑے تعمیر کیتا ویسی جیں نال دفاعی تنصیبات کوں کوئی خطرہ کائنی ۔ وفاقی وزیر اے معاملہ قائمہ کمیٹی دے حوالے کرنڑ دی درخواست کیتی اتے آکھیا جو قائمہ کمیٹی ایندی مزید تحقیقات کرا سگدی ہے اتے متعلقہ اداریں اتے محکمے دے حکام نال ایں حوالے نال معلومات حاصل کر سگدی ہے ۔وفاقی وزیر ولوں رضا مندی ظاہر کرنڑ دے بعد چیئر مین معاملہ مزید غور سانگے متعلقہ قائمہ کمیٹی کوں بجھوا ڈتا ۔