اسلام آباد ۔ 6 جون(اے پی پی) وفاقی وزیر پانڑیں تے بجلی خواجہ محمدآصف آکھیا ہے جو رمضاب شریف اچ سحری تے افطاری ویلھے لوڈشیڈنگ کائناں کیتی ویسی ۔ریڈیو پاکستان نال گالھ مہاڑ کریندے ہوئیں انھاں آکھیا جو ملک اچ ودھ گرمی پاروں غیر اعلانیہ لوڈشیڈنگ کائنی کیتی ویندی پئی ۔انھاں آکھیا جو ملک اچ بجلی دا شارٹ فال گھٹ تھی تے 4ہزار واٹس تئیں پج گیا ہے ۔انھاں آکھیا جو حکومت کجھ مہانگی بجلی پیدا کرنڑ آلے بجلی گھر بند کر ڈتے ہن تاں جو رمضان شریف اچ بجلی دی طلب ودھی تاں انہاں بجلی گھراں کوں وی فعال کر ڈتا ویسی ۔
