اسلام آباد ۔ 24 جون(اے پی پی) ملک وچ متبادل توانائی دے شعبہ وچ ہک سال دے دوران 3ارب ڈالرتوں ودھ دی سرمایہ کاری کیتی گئی ہے۔ متبادل توانائی نال بجلی پیدا کرنڑ دے وسیع مواقع دستیاب ہونڑ دی وجہ نال پاکستان نجی سرمایہ کاراں سانگے پر کشش ملک بنڑ گئے ۔ متبادل توانائی بورڈ دے حکام آکھیا جو حکومت متبادل توانائی دے ذرائع توں ودھ توں ودھ فائدہ چاونڑ سانگے جامع اقدامات کریندی پئی ہے تاں جو انرجی مکس پالیسی دے تحت سستی توانائی دی فراہمی اتے ملک دی پائیداراقتصادی ترقی کوں یقینی بنڑایا ونج جا سگے ۔ متبادل توانائی بورڈ دے مطابق 663 میگاواٹ بجلی دی پیداوار سانگے مختلف سولر منصوبیاں سانگے 25 توں ودھ کمپنیاں دلچسپی ظاہر کیتی ہے۔ ایہ سارے منصوبہ جات سال 2018ءدے دوران مکمل کرگھدے ویسن جڈانجو حکومت ہنڑ تائیں 600 میگاواٹ دے منصوبیاں سانگے دلچسپی دے اظہار دے خط جاری کیتے ہن اتے 300 میگاواٹ دے منصوبیاں سانگے فنانسنگ دا کم مکمل کرگھدا گئے۔ انہاں آکھیا جو ملک وچ متبادل ذرائع نال توانائی دے حصول دے وسیع امکانات موجود ہن جیندی وجہ نال پاکستان نجی سرمایہ کاراں سانگے انتہائی پر کشش ملک بنڑ گئے اتے گزریل ہک سال دے دوران شعبے وچ ترائے ارب ڈالر توں ودھ دی سرمایہ کاری تھئی ہے۔
