اسلام آباد ۔ 26 جون(اے پی پی) محکمہ موسمیات آندے 48 گھنٹیاں اچ سندھ ، بلوچستان ، پنجاب ، خیبر پختونخواہ اتے کشمیر اچ کتھائیں کتھائیں اندھاریاں ، تیز ہوائیں اتے گرج چمک نال مون سون بارشاں دی پیشنگوئی کیتی ہے جڈانجو آندے 24گھنٹیاں اچ کراچی، حیدر آباد، میر پور خاص، شہید بینیظرآباد ،قلات، مکران ڈویژن اچ کتھائیں کتھائیں اندھاری / تیز ہوائیں اتے گرج چمک نال بارش داامکان ہے ایں طرح سکھر، لاڑکانہ، سبی، نصیرآباد ، بہاولپور، کوئٹہ ، ژوب ، ہزارہ، پشاور، راولپنڈی، لاہور، سرگودھا، ڈی جی خان، ملتان، فیصل آباد ڈویژن، اسلام آباد اتے کشمیر اچ و ی کجھ جاہیں تے اندھاری ، تیز ہوائیں اتے گرج چمک نال بارش داامکان ہے۔ محکمہ موسمیات دی رپورٹ دے مطابق ملک دے بئے علاقیاں اچ موسم گرم تے رُکھا راہونڑ دا امکان ہے ۔ گزریل 24گھنٹیاں اچ ملک دے بہوں سارے علاقیاں اچ موسم گرم اتے رُکھا ریہا ۔ جڈانجو گوجرانوالہ ، راولپنڈی ، مالاکنڈ ، ہزارہ، پشاور، کوھاٹ، اتے قلات ڈویژن اتے کشمیر اچ کجھ جاہیں تے بارش تھئی ۔ ساریاں توں ودھ بارش بالاکوٹ اچ 10 ملی میٹر، چراٹ 05، دیر، مالم جبہ03، منڈی بہائوالدین 12، مری 02، منگلہ 01، خصدار01 ، مٹھی09، راولاکوٹ 21 اتے کوٹلی اچ 04 ملی میٹر بارش ریکارڈ کیتی گئی۔
