اسلام آباد (اے پی پی )وفاقی حکومت آندے مالی سال 2016,17دے سرکاری شعبے دے ترقیاتی پروگرام ترقیاتی پروگرام دے تحت وزارت قنون تے انصاف دے جاری اتے نویں منصوبیں سانگے مجموعی طور تے اہک ارب 50کروڑ رکھیے گن ۔وزارت قنون دے جاری پنج منصوبیں سانگے ہک ارب 15کروڑ روپے جڈاں جو نویں چھی منصوبین سانگے 15کروڑ دی تجویز ڈتی گی ہے ۔سرکاری شعبے دے ترقیاتی پروگراماں دے تحت وزارت قنون تے انصاف دے انتظام اچ سپیریم کورٹ لاہور رجسٹری دی عمار ت اچ غیر شادی شدہ ملازماں (بیچلر ) دی رہائش سانگے تعمیر کیتی ونجنڑ آلی عمارت سانگے 50لکھ روپے رکھیے ہن ۔اسلام آباد ہائی کورٹ دی تعمیرتھیونڑ آلی عمارت سانگے 90کروڑ روپے رکھیے گن ،وفاقی محتسب دی سیکرٹر ایف فائیو ٹو اچ سرکاری رہائش سانگے ترائے کروڑ روپے رکھیے گے ہن ۔ایں پروگرام دے تحت پورے پاکستان اچ جاری وزارت قنون تے انصاف تئیں رسائی دے پروگراماں سانگے 40کروڑ روپے ،محتسب دے جیڑھے نبیڑنڑ سانگے عوامی شعود بیدار کرنڑ سانگے ڈیڈھ کروڑ روپے جڈاں جو وزارت قنون تے نویں منصوبیں اچ اسلام آباد ہائی کورٹ دی توسیع سانگے ترائے ایکڑ توں ودھ زمین دے ملھ گھننڑ سانگے 10لکھ روپے رکھیے ہن ۔
