اسلام آباد ۔ 30 جون (اے پی پی) وزیراعظم محمد نواز شریف آکھیا جو ڈاکٹراں کنوں اخیری موکل ملدیں ای او بہوں جلدی عوام وچ موجود ہوسن،کارکن اتے عوام وطن واپسی تے انہاں دے استقبال اتے ایجھی بئی تقریباں منسوخ کر ڈیون۔خمیس کوں آپنڑے کارکناں اتے عوام دے ناں سنھیے اچ وزیراعظم آکھیا جو میڈے علم اچ اے گالھ آئی اے جو میڈی وطن واپسی تے ہک وڈے استقبالیہ پروگرام دی تیاریاں کریندے پئن ۔میکوں تساڈی محبت اتے خلوص تے اندازہ اے۔وزیر اعظم آکھیا جو میں آپنڑے آپریشن بارے تساڈی محبت اتے خلوص دا ایجھا مثالی مظاہرہ ڈٹھے جو میڈے سانگے اے اعزاز اے۔تساڈی دعائیں دی قبولیت اتے اللہ سئیں دے فضل و کرم نال میڈے حساس آپریشن دا میڈے حساس آپریشن دا مرحلہ بخیروخوبی پورا تھیا اتے میڈی صحت تسلی بخش بحال تھی اے۔انہاں آکھیا جو میکوں وطن عزیز دی خدمت دا عزم تے توانائی ملدی اے۔
