اسلام آباد ۔ 04 جولائی (ا۲ے پی پی)ایشیائی مارکیٹ اچ سنوار دے ڈینھ تیل دیاں قیمتاں اچ ودھارا ریکارڈ کیتا گیا ۔ سنوار کوں ذرائع ابلاغ دی رپورٹس دے مطابق نائیجیریا دے انتہا پسنداں ولوں ملکی تیل دیاں تنصیبات تے حملے دے دعوے دے بعد بیرنٹ ہولڈنگ دیاں قیمتاں اچ 50ڈالرز ودھارا تھیا۔ گزریل ہفتے برطانیہ ولوں یورپی یونین توں انجھ تھیونڑ دے اعلان دی وجہ نال وی تیل دیاں قیمتاں اچ اتار چڑھاﺅ ڈیکھنڑ اچ آیا تاجو عالمی بینک ولوں سرمائے دی منڈی کوں پورا تعاون ڈیونڑ دی یقین دہانی دے بعد صورت حال اچ استحکام پیدا تھیا۔ امریکی بنیچ مارک ویسٹ ٹیکساس انٹر میڈیٹ چارسینٹ دے ودھارے دے نال 49.3ڈالر جڈاں جو بیرنٹ ست سینٹدے ودھارے دے نال 50.42ڈالر ریکارڈ کیتا گیا ۔ گزریل ہفتے دے چھیکڑ تئیں ڈھاکہ ریسٹورنٹ تے استنبول ایئر پورٹ تے خود کش حملیں نال وی تیل دیاں قیمتاں اچ اتار چڑھاﺅ ڈیکھنڑ اچ آیا ہے ۔
