ماسکو ۔ 24 جولائی (اے پی پی) روس دے وزیر خارجہ دہشت گرد گروہ داعش دے ظہور کوں عراق تے امریکہ دی لشکر کشی دا نتیجہ قرار ڈیندے ہوئیں آکھے جو مشرق وسطی اچ مغرب دیاں پالیساں ایں علاقے اچ موجودہ صورت حال پیدا تھیونڑ دی وجہ بنڑی ہن ۔ روسی وزیر خارجہ سرگئی لاوروف روسی نوجواناں دے سیمینار اچ تقریر کریندے ہوئیں آکھے جو صدام حکومت دے بہوں سارے افسر داعش اتے ڈوجھے مسلح گروہاں دے نال رل گئے ہن ۔ انہاں آکھیا جو شام دے صدر بشار اسد دے اقتدار توں ہٹنڑ دی صورت اچ شام اچ لیبیا دا منظر دہرائے نہ ونجنڑ دی کئی ضمانت موجود کائنی۔ روسی وزیر خارجہ دہشت گردی تے فتح پاونڑ ، حقیقی شامی فریقاں وچال مذاکرات اتے آپنڑیں تقدیردا فیصلہ آپ کرنڑ کیتے شامی عوام دے اقدام کیتے حالات فراہم کرنڑ آلے پاسے اشارہ کریندے ہوئیں آکھے جو ترکی دے حکمران اج شام دے نال زیادہ شفاف تعاون دی لوڑ کوں سمجھدے پئے ہن ۔
