پالے کیلی ۔ 24 جولائی (اے پی پی) سری لنکا اتے آسٹریلیا دیاں کرکٹ ٹیماں وچال ترائے تین ٹیسٹ میچاں دی سیریز دا پہلا میچ (سبھائیں ) منگل توں پالے کیلی انٹرنیشنل کرکٹ سٹیڈیم اچ شروع تھیسی ۔ آسٹریلوی ٹیم دورے دا آغاز فاتحانہ انداز اچ کیتا اتے ترائے ڈینھ دے ٹور میچ اچ سری لنکا الیون کوں اننگز اتے 162 سکوراں توں ہراڈتے ۔ سری لنکا اتے آسٹریلیا وچال ڈوجھا ٹیسٹ 4 توں 8 اگست تئیں گال انٹرنیشنل سٹیڈیم جڈانجو تریجھا اتے اخیری ٹیسٹ 13 توں 17 اگست تئیں سنہالیز سپورٹس کلب گرائونڈ، کولمبو اچ تھیسی ۔ دوہائیں ٹیماں وچال پنج ون ڈے میچاں تے مشتمل سیریز دا پہلا ون ڈے 21 اگست، ڈوجھا 24 اگست،تریجھا 28 اگست، چوتھا 31 اگست جڈانجو پنجواں اتے اخیری ون ڈے 4 ستمبر کوں کھیڈیا ویسی ۔ دورے اچ شامل پہلا ٹی 20 انٹرنیشنل 6 ستمبر جڈانجو ڈوجھا 9 ستمبر کوں کھیڈیا ویسی ۔
