فلسطینی بہوں مشکل معاشی حالات دا شکار تھی گے ہن ،بان کی مون

مقبوضہ بیت المقدس۔ یکم جولائی (اے پی پی) اقوام متحدہ دے سیکریٹری جنرل بان کی مون آکھیا ہے جو فلسطینی بہوں مشکل معاشی حالات دا شکار تھی گے ہن ۔عالمی ادارے دے سربراہ دی حیثیت نال اسرائیل دے چھیکڑی دورے دے موقع تے مقبوضہ بیت المقدس اچ میڈیانال گالھ مہاڑ کریندے ہوئیں اقوام متحدہ کے سیکریٹری جنرل بان کی مون آکھیا ہے جو فلسطینی عوام چوکیاں، رکاوٹاں تے نقل و حرکت سانگے اجازت نامیں دی شرط پاروں بہوں اوکھے معاشی حالات اچ زندگی گزریندے پئے ہن ۔واضح رہے جو اقوام متحدہ دے سیکریٹری جنرل غزہ اچ اقوام متحدہ دی زیر سرپرستی قائم اسکول دا دورہ کیتا تے رملہ اچ فلسطینی رہنما محمود عباس نال ملاقات وی کیتی ۔