اسلام آباد ۔ یکم جولائی (اے پی پی) مغربی ہوائیں دا نواں سلسلہ چھنڑ چھنڑ دے ڈینھ ملک دے بالائی علاقیاں اچ داخل تھیسی جیندے نتیجے اچ آندے سنوار تئیں اکثر جاہیں تے تیز ہوائیں /آندھاری اتے گرج چمک دے نال بارش تھیسی جڈانجو ایں دوران کجھ جاہیں تے موسلادھار بارش دا وی امکان ہے۔ محکمہ موسمیات دے مطابق (اج) چھنڑ چھنڑ توں سنوار دے اسلام آباد، بالائی پنجاب (راولپنڈی، گوجرانوالہ، لاہور، سرگودھا، فیصل آباد ڈویژن)، خیبرپختونخوا (مالاکنڈ، ہزارہ، پشاور، مردان، کوہاٹ، بنوں، ڈی آئی خان ڈویژن)، کشمیر (مظفرآباد، میرپور، پونچھ ڈویژن) اتے فاٹا (کْرم، باجوڑ، مہمند، خیبر، اورکزئی، شمالی اتے جنوبی ایجنسیاں) اچ اکثر جاہیں تے تیز ہوائیں /اندھاری اتے گرج چمک نال بارش دا امکان ہے جڈانجو کجھ جاہیں تے موسلادھار بارش دا وی امکان ہے۔ ایں دوران ملتان، ساہیوال، ڈی جی خان، بہاولپور ڈویژن اچ کتھائیںکتھائیں گرج چمک نال بارش جڈانجو کجھ جاہیں تے موسلادھار بارش دا وی امکان ہے۔ آندے 24 گھنٹیاں اچ ملک دے بہوں سارے میدانی علاقیاں اچ موسم شدید گرم اتے مرطوب راہسی جڈانجو اسلام آباد، بالائی پنجاب (راولپنڈی، گوجرانوالہ، لہور، سرگودھا، فیصل آباد ڈویژن)، خیبرپختونخوا (مالاکنڈ، ہزارہ، پشاور، مردان، کوہاٹ، بنوں، ڈی آئی خان ڈویژن)، کشمیر (مظفرآباد، میرپور، پونچھ ڈویژن) اتے فاٹا (کْرم، باجوڑ، مہمند، خیبر، اورکزئی، شمالی اتے جنوبی ایجنسیاں) اچ اکثر جاہیں تے جڈانجو ملتان، ساہیوال، ڈی جی خان، بہاولپور ڈویژن اتے گلگت بلتستان اچ کتھائیں کتھائیں تیز ہوائیں /آندھاری اتے گرج چمک دے نال بارش دا امکان ہے۔
