وفاقی وزیر خزانہ اسحاق ڈاردا مختلف جاہیں تے پنشنرز کوں پنشن دے حصول اچ اوکھ دا سخت نوٹس

اسلام آباد ۔ 2 جولائی (اے پی پی) وفاقی وزیر خزانہ سینیٹراسحاق ڈار دا مختلف جاہیں تے پنشنرز کوں پنشن دے حصول اچ اوکھ دے واقعاں دا سخت نوٹس گھند ے ہوئیں لوکیں دیاں شکایتاں دے ازالے دی ہدایت کیتی ہے۔چھنڑ چھنڑ کوں ترجمان وزارت خزانہ ولوں جاری بیان دے مطابق وزیر خزانہ سینیٹر اسحاق ڈار ایں بارے گورنر سٹیٹ بینک نال ٹیلی فون تے رابطہ کیتا اتے آکھیا جو گورنر سٹیٹ بینک، نیشنل بینک حکام توں گالھ کر تے لوکیں دیاں شکایتاں دے ازالے کوں یقینی بنڑاون۔ وزیر خزانہ ہدایت کیتی جو اے ٹی ایم مشیناں اچ کیش دی وافر مقدار اچ دستیابی کوں وی یقینی بنڑایا ونجے تانجو شہریاں کوں عید الفطر دیاں چھٹیاں اچ کہیں اوکھ دا سامنڑاں نہ کرنڑاں پووے ۔