لندن ۔ 13 جولائی (اے پی پی) پاکستان اتے انگلینڈ دیاںکرکٹ ٹیماں وچال چار ٹیسٹ میچاں دی سیریز دا پہلا ٹیسٹ (اج) خمیس کوں لارڈز، لندن وچ شروع تھیسی۔ قومی کرکٹ ٹیم اج کل مصباح الحق دی قیادت وچ انگلینڈ دے دورے تے ہے جتھاں اوہ چار ٹیسٹ، پنج ون ڈے اتے ہک ٹی 20 میچ کھیڈسی۔ پاکستان کرکٹ ٹیم دے کپتان مصباح الحق آکھیا اے جو انگلینڈ کوں پہلے ٹیسٹ وچ ہرا تے ٹیسٹ سیریز جیت نال شروع کریسوں۔ پاکستان اتے انگلینڈ وچال چار ٹیسٹ میچان دی سیریز دا پہلا ٹیسٹ اج توں لارڈز لندن وچ شروع تھیسی، جڈانجو پاکستان اتے انگلینڈ وچال چار ٹیسٹ میچاں دی سیریز داڈوجھا ٹیسٹ 22 توں26 جولائی تائیں اولڈ ٹریفورڈ، مانچیسٹر، وچ کھیڈیا ویسی۔ ایندے بعد قومی ٹیم ووسٹر شائر دے خلاف 29 توں 30 جولائی تائیں ٹور میچ کھیڈسی۔ سیریز دا تریجھا ٹیسٹ 3 توں7 اگست تائیںایجبسٹن، برمگنھم جڈانجو چوتھا اتے چھیکڑی ٹیسٹ 11 توں 15 اگست تائیں کینگٹن اوول، لندن وچ کھیڈیاویسی۔ قومی ٹیم آئرلینڈ دے خلاف پہلا ون ڈے 18 اگست جڈانجو ڈوجھا اتے چھیکڑی ون ڈے 20 اگست کوں ڈبلن وچ کھیڈسی۔ پاکستان اتے انگلینڈ وچال پنج ون ڈے میچاں دی سیریز دا پہلا میچ 24 اگست کوں ساﺅتھمپٹن، ڈوجھا 27 اگست کوں لندن، تریجھا 30 اگست کو ںنوٹنگھم، چوتھا یکم ستمبر کوں لیڈز جڈانجو پنجواں تے چھیکڑی ون ڈے 4 ستمبر کوں کارڈف وچ کھیڈیا ویسی۔ دورے وچ شامل ہک ٹی 20 انٹرنیشنل 7 ستمبر کوںاولڈ ٹریفورڈ، مانچیسٹر وچ کھیڈیا ویسی۔
