جاری سال 2016 ء دے دوران جون دے مقابلے وچ جولائی دے دوران مصالیاں دی ملکی برآمدات وچ10.50 فیصد دی گھٹکی

اسلام آباد ۔ 31 اگست (اے پی پی) جاری سال 2016 ء دے دوران جون دے مقابلے وچ جولائی دے دوران مصالیاں دی ملکی برآمدات وچ 10.50 فیصد دی گھٹکی واقع تھئی ہے۔ ادارہ برائے شماریات پاکستان (پی بی ایس) دے اعدادوشمار مطابق جون 2016 ء دے دوران مصالحہ جات دی قومی برآمدات توں476 ملین روپے دا زر مبادلہ کمایا گیا ہا جڈانجو جولائی 2016 ء دے دوران مصالحہ جات دی ملکی برآمدات دا حجم 426 ملین روپے تئیں گھٹ تھی گیا ایں طرح جون دے مقابلے وچ جولائی دے دوران مصالیاں دی قومی برآمدات وچ ساڈھے 10 فیصد دی گھٹکی ریکارڈ کیتی گئی ہے۔