نوویک جوکووچ راجرز کپ ٹینس ٹورنامنٹ جت گھدا

مونٹریال ۔یکم اگست (اے پی پی) سربیا دے نامور ٹینس سٹار اتے عالمی نمبر ہک نوویک جوکووچ راجرز کپ ٹینس ٹورنامنٹ جت گھدا ۔انہاں فائنل اچ جاپان دے کائی نیشیکوری کوں ہرا تے ٹائٹل اپنڑے ناں کرگھدا ۔ تفصیل دے مطابق کینیڈا دے شہر مونٹریال اچ جاری مینز سنگلز مقابلیںدے فائنل اچ نوویک جو کوچ دا مقابلہ کائی نیشیکوری نال ہا جیں اچ عالمی نمبر ہک کھلاڑی شاندار کھیڈ دا مظاہرہ کریندے ہوئیں جاپان دے کائی نیشیکوری کوں سٹریٹ سیٹس اچ 6-3 تے 7-5 توں ہرا تے ٹورنامنٹ جت گھدا۔