کوئٹہ۔08 اگست (اے پی پی)بلوچستان دے دارالحکومت کوئٹہ اچ سنوار کوں ہک حملے اچ بلوچستان بار ایسوسی ایشن دے جاں بحق تھیونڑ آلے صدردے پوسٹ مارٹم دے دوران سول اسپتال اچ دھماکے دے نتیجے اچ 30بندے جاں بحق تھی گے ۔تفصیل دے مطابق کوئٹہ دے علاقے منو جا ن روڈ تے نامعلوم موٹر سائیکل سواراں فائرنگ کرتے بلوچستان بار ایسوسی ایشن دے صدر بلال کانسی ایڈوکیٹ کو ں ایں ویلھے فائرنگ کرتے قتل کرڈتا جڈاں جو گھر توں عدالت ویندے پے ہن ملزم موقع واردات توں فرار تھیونڑ اچ کامیاب تھی گے ،پولیس تے سیکورٹی فورس اطلاع ملدے ہیں وقوعے دی جاہ تے پج تے لاش کوں ہسپتال منتقل کیتا جتھاں انہاں دا پوسٹ مارٹم تھیندا پیا ہا اچانک سول ہسپتال دے شعبہ حادثات دے مین دروازے تے اچانک ہک زور دادھماکہ تھیا جیں دے نتیجے اچ وڈی تعداد اچ وکیل ،میڈیا تے سول سوسائٹی دے لوک ودھ زخمی تے جاں بحق تھی گے ۔ہنڑ تئیں دی اطلاعات دے مطابق دھماکے اچ زخمی تھیونڑ آلیا اچ اج نیوز دے کیمرہ مین شہزاد خان وی شامل ہن ۔ہلاک تھیونڑ آلیں اچ ڈان نیوز دے کیمرہ مین سمیت میڈیا تے وکلا دی وڈی تعداد شامل ہئی ،پولیس دے مطابق دھماکے اچ 30بندے جاںبحق تے 20ا زخمی تھی گے ۔زخمیاں کوں کوئٹہ دے مختلف ہسپتالاں اچ منتقل کرڈتا گیا ہے ،دھماکے دے بعد سول ہسپتال اچ افراتفری مچ گی تے لوکاں اچ ڈر کھنڈ گیا ،پولیس تے سیکورٹی فورسز سول ہسپتال کوں ولا چاڑھ تے مزید تحقیقات شروع کرڈتی ہے ۔
