اسلام آباد ۔ 30 اگست (اے پی پی) 16 ویں انٹر نیشنل ٹیکسٹائل ایشیاء نمائش اچ 500 توں ودھ غیر ملکی وفداں شرکت کیتی ہے تے ایں موقع تے 350 ملین ڈالر دے کاروباری معاہدے وی کیتے گے ہن جڈاں جو 27ملکاں دے 315 توں ودھ عالمی برانڈز وی نمائش اچ اپنڑیاں مصنوعات دی نمائش کیتی ہے ۔پاکستان ریڈی میڈ گارمینٹس مینو فیکچررز اینڈ ایکسپورٹرز ایسوسی ایشن (پریگما) تے ای کامرس گیٹ وے پاکستان دی سانجھ نال نمائش کرائی گی جیرھی جو گزریل ڈینھ لاہور اچ مک گئی ۔پریگما دے سینئر وائس چیئرمین سہیل اے شیخ آکھیا ہے جو ترائے ڈینہاں دی عالمی نمائش دے پہلے ڈو ڈینھ 50 ہزاتوں ودھ لوکاں شرکت کیتی ہے نمائش دے چھیکڑی ڈینھ ہک لکھ لوکاںاپنڑی رجسٹریشن کرائی ہے جیرھا جونمائش دی کامیابی دی علامت ہے ۔
