بغداد ۔ 24 اکتوبر (اے پی پی) عراقی پارلیمنٹ کثرت رائے نال ملک وچ شراب بنڑاونڑ ، ویچنڑ اتے درآمد تے مکمل پابندی دی منظوری ڈے ڈتی ہے۔ غیر ملکی میڈیا دے مطابق ایں قنون دی خلاف ورزی کرنڑ تے کہیں وی بندے کوں 10 ملین توں گھن تے 25 ملین دینار (8000 توں گھن تے 20000 امریکی ڈالر) تئیں جرمانہ کیتا ونج جا سگسی۔ پابندی دے حامیاں دے مطابق ایہ پارلیمانی فیصلہ ریاستی آئین نال مکمل طور تے ہم آہنگ ہے کیونجوعراقی آئین دے تحت کوئی وی ایجھی قنون سازی نی کیتی ونج جا سگی جیرھی جو اسلامی احکامات نال متصادم ہوئے۔ ہک سیاستدان یونادم کنّا اعلان کیتا ہے جو ا وہ ایں متنازعے قنون سازی کوں ملک دی وفاقی عدالت وچ چیلنج کریسن ۔
