اسلام آباد ۔29نومبر (اے پی پی) وزیر مملکت قومی صحت سائرہ افضل تارڑ قومی اسمبلی کوں یقین ڈوایا ہے جو انسانی اعضا تے عضلات دی پیوند کاری دے حوالے نال بل آندے اجلاس اچ پیش کریسوں ،انسانی اعضاءدے عطیے کیتے ونجنڑ آلے زبر دستی تے غیر قنونی طریقیں نال اعضا گھننڑدا سدباب تھی سگے ۔منگل کوں قومی اسمبلی دے اجلاس اچ کشور زہر ا تحریک پیش کیتی جو انسانی اعضاءتے عضلات دی پیوندکاری (ترمیمی) بل 2016ءتے غور کیتا ونجے۔ وزیر مملکت سائرہ افضل تارڑآکھیا جو ٹرانسپلانٹ دا ادارہ ” اوٹا“ کجھ ڈینھ پہلے ہی وزارت صحت ڈے آیا ہے ۔ انہاںآکھیا جو قائمہ کمیٹی ایندے تے تفصیلی غور کیتا ہے۔ ایں بل کوں قائمہ کمیٹی صحت دے حوالے کیتا ونجے تاں جو ہک دفعہ ولا ایندا جائزہ گھدا ونجے ۔ایں بل دے تحت نادرا کارڈ اچ ہک شق کرنڑ مقصود ہے تاں جو کوئی وی بندہ حادثے دا شکار نہ تھی ونجے او اپنڑے اعضا کوں عطیہ کر سگے ۔ کشور زہرا آکھیا ہے لائسنس اتے آئی ڈی کارڈ تے Yes or No دا آپشن ڈے ڈتا ونجے۔ انہاں آکھیا جو ہک لاش توں 17 اعضاءگھدے ویندے ہن جیں نال کئی انسانی جاناں بچایاں ونج سگدیاں ہن۔ قنون موجود ہے ایندے اچ ترمیم مقصود ہے۔ وزیر مملکت سائرہ افضل تارڑ آکھیا جو ایں معاملے تے نادرا ساریں توں وڈا فریق ہے ۔ڈاکٹر فہمیدہ مرزا آکھیا جو اے اہم مسئلہ ہے ۔اساڈے ملک اچ ملاوٹ اتے مضر صحت پانڑیں دی وجہ توں لوکاں دے گردے ختم تھیندے پے ہن ایں بل کوں سینیٹ اچ بھجوایا ونجے ۔بال اغو کر تے گردے کڈھ گھدے ویندے ہن ہر بندے کوں اپنڑے اعضا عطیہ کرنڑ دا حق ہوونڑاں چاہیدا ہے ۔وزیر مملکت سائرہ افضل تارڑ آکھیا جو اے ادارہ ہنڑ اساں دے ٹر تے آیا ہے بل تے غور سانگےا ساکوں تھوڑا وقت چاہیدا ہے تاں جو وزارت صحت بل دا تفصیلی جائرہز گھن سگے ۔وزیر قنون زاہد حامد آکھیا جو اصولی طور تے اعضاءدا عطیہ کرنڑ دے حوالے نال بل بہوں اہم ہے ۔شناختی کارڈ تے انٹری لاونڑیں ہے تھوڑا موخر کیتاونجے ۔علی رضا عابدی آکھیا جو سارے شناختی کارڈ تبدیل کرنڑ دی ضرورت کائنی جیں دی خواہش ہووے او اپنڑاں آئی ڈی کارڈ تبدیل کرا سگدا ہے ۔ وزیر مملکت سائرہ افضل تارڑ آکھیا جو اساکوں ایں بل بارے ہنڑ پتہ لگیا ہے کجھ غور کرنڑ اچ کوئی حرج کائناں تھیسی ۔ کشور زہراآکھیا جو حکومت بل دی مخالفت کائنی کیتی ۔بابر نواز آکھیا جو اساں بل کمیٹی صحت اچ ڈتا ونجے ایندے تے شناختی کارڈ دی شق شامل ہے ۔کشور زہرا آکھیا جو انہاںکوں بل پیش کرنڑ دی اجازت ڈتی ونجے ۔وزیر مملکت سائرہ افضل تارڑ آکھیا جو بل کہیں دا وی ہووے کریڈٹ فاضل رکن کوں ہی ویسی ۔بار بار ترمیم توں بچنڑ سانگے ہک دفعہ جامع بل گھن تے آیا ونجے ۔آندے اجلا س اچ ایں بل کوں گھن تے آسوں ۔کشور زہر آکھیا جو ہک رکن اگر ترمیم ڈتی ہوئی ہے تاں اینکوں روکنڑاں نی چاہیدا ۔ ڈپٹی سپیکر بل کوں نیشنل ہیلتھ سروسز دی کمیٹی دے حوالے کر ڈتا۔ وزیر مملکت سائرہ افضل تارڑ آکھیا جو ایوان کوں یقین ڈویندوں جو آندے سیشن تئیں ایوان اچ گھن آسوں ۔
