ڈونلڈ ٹرمپ دا سارے لوکاںکوں نال رلا تے ٹرنڑدی گالھ نال انھاں کوں حوصلہ تھیا ،ٹرمپ کو ںاقتدار دی پرامن منتقلی یقینی بنڑائی ونجے، براک اوباما دی ٹیم کوں ہدایت

واشنگٹن ۔ 10 نومبر (اے پی پی)امریکی صدر براک اوباما آکھیا ہے جو انھاں اپنڑی ٹیم کوں ہدایات جاری کیتیا ںہن جونو یںمنتخب صدر ڈونلڈ ٹرمپ کوں اقتدار دی پر امن منتقلی یقینی بنڑائی ونجے ۔برطانوی نشریاتی ادارے دے مطابق انہاں خیالیں دا اظہار صدربراک اوباما امریکی صدارتی انتخاب وچ ڈونلڈ ٹرمپ دی کامیابی دے بعد وائٹ ہاوس دے باغ وچ کیتا۔صدر اوباما ڈونلڈ ٹرمپ کوں اوول آفس آونڑ دی دعوت ڈتی اتے سارے ڈیموکریٹس توں استدعا کیتی جوا وہ ڈونلڈ ٹرمپ دی کامیابی دے بعد اپنڑی مایوسی کوں ہک پاسے رکھ تے کامیاب انتقالِ اقتدار سانگے اپنڑاں کردار ادا کرن۔انہاں آکھیا ہے جو انتخابات جت ونجنڑ دے بعد جیں طرح ڈونلڈ ٹرمپ ملک دے سارے لوکاںکوں نال رلا تے چلنڑ دی گالھ کیتی ہے، ایندے نال انھاں کوں حوصلہ تھئے اتے ایویں سارا ملک بطور صدر ٹرمپ دی کامیابی سانگے چنگی کوشش کریسی۔انھاں اشارہ ڈتا جو انہاں دے اتے ڈونلڈ ٹرمپ وچال بہوںزیادہ تفریق ہے۔ انھاں ڈونلڈ ٹرمپ کوں مبارخبادڈیندے ہوئیںآکھیا جو اساں سبھ امریکا دی چنگائی چاہندوں ۔انہاں دا آکھنڑ ہا جو اہم گالھ ایہ ہے جو اساں سارے شہریاں دے نال نیک نیتی دے جذبے نال آگی تے ودھوں۔براک اوباما آکھیا جو انھاںکوں امید ہے جو امریکاداناقابلِ یقین سفر اگی ودھسی۔