ترکی دے صدر رجب طیب اردوان دا 13 ویں اقتصادی تعاون تنظیم سربراہ اجلاس توں خطاب

اقتصادی تعاون تنظیم اچ اصلاحات دا عمل وختی توں وختی پو را کیتا ونجے، ای سی او سیکرٹریٹ دے انسانی وسائل کوں مستحکم کرنڑ تے منصوبیں دی ملکیت سانگے میکنزم تیار کرنڑ دی ضرورت ہے، ترکی انہاں مقاصد دے حصول سانگے ہرممکن تعاون کریسی
اسلام آباد ۔ یکم مارچ (اے پی پی) ترکی دے صدر رجب طیب اردوان اقتصادی تعاون تنظیم اچ اصلاحات دا عمل وختی توں وختی پورا کرنڑ ،ای سی او سیکرٹریٹ دے انسانی وسائل کوں مستحکم کرنڑ تے منصوبیں دی ملکیت سانگے میکنزم تیار کرنڑ دی تجاویز ڈیندے ہوئیں آکھیا ہے جو ترکی ایں مقصد دے حصول سانگے ہر ممکن تعاون کریسی۔بدھ کوں اتھاںتیرویںاقتصادی تعاون تنظیم(ای سی او) سربراہ اجلاس توں خطاب کریندے ہوئیں انہاں آکھیا جو ای سی او دے رکن ملکاں کوں توانائی دے شعبے اچ تعاون دی ضرورت ہے۔ترکی دے صدر زراعت،ماحولیات اتے سیاحت دے شعبیں اچ وی تعاون دی ضرورت تے زور ڈتا ۔انہاں آکھیا جو ترکی بنیادی ڈھانچے دے بہوں وڈے منصوبیں تے عمل در آمد کریندا پیا ہے جیرھا جو ترکی کوں پڑوسی ملکاں اتے خطے دے بئے ملکاں دے نال ریل،سڑک،سمندر اتے فضائی رستیں دے ذریعے منسلک کریسی۔ایں اچ استنبول اچ دنیا دے ساریں توں وڈے ائر پورٹ دی تعمیر وی شامل ہے۔ رجب طیب اردوان سیاسی تنازعات حل کرنڑ تے دہشت گردی دے خطرے نال نبڑنڑ سانگے سانجھیاں کوششاں دی ضرورت تے زور ڈتا۔