نیویارک ۔ 29 جون (اے پی پی) اقوام متحدہ دے جوہری ہتھیاراں تے پابندی دے معاہدے دے نویںمسودہ دی تعمیل لازمی تھیسی۔ امریکا دے خبررساں ادارے موئجب جوہری ہتھیاراں تے پابندی دے معاہدے دے ڈوجھے مسودے کوں نیویارک اچ اقوام متحدہ دے اجلاس اچ مذاکرات کاراں کو ںپیش کر ڈتاگیا اے۔ قانونی طور تے ایں معاہدے دی تعمیل لازمی تھیسی۔مذاکرات دی سربراہ کوںسٹاریکا دی سفیر ایلائن وائٹ گومیز مزید مذاکرات دی غرض نال نواں مسودہ کرڈتا اے اتے اے مذاکرات 7 جولائی کوں مکسن ۔مسودے اچ مذاکرات دے رواں مہینہ دے ڈوجھے مرحلے دی بنیاد تے جوہری ہتھیاراں دے خاتمے دا طریقہ کار واضح کیتا گیا اے۔مسودے اچ آکھیا گیا اے جو معاہدے اچ شامل تھیونڑ آلے خواہش مند جوہری ہتھیاراں نال مسلح ملک جوہری ہتھیاراں دے فعال نظاماں کوں جلد ی توں جلدی غیر فعال کریسن۔
