مظفر گڑھ۔25 اگست (اے پی پی )مظفرگڑھ میانوالی روڈ تے تکھے رفتار ٹرالے موٹر سائیکل سوار ترائے بھینڑ بھراواں کوں کچل ڈتا،ہک بھرا زخمی تھی گئیا۔ریسکیو1122دے مطابق مظفر گڑھ دے نیڑے دے قصبہ خان پور بگا شیر اچ میانوالی روڈ تے چار بھینڑ بھرا موٹر سائیکل تے خان پور بگا شیر اچ گارڈن کالونی اچ آپنڑی بوا دے گھر ویندے پئے ہن جو پچھوں آونڑ آلے تکھے رفتار ٹرالر انہاں دی موٹر سائیکل کوں اوورٹیک کریندیں ہوئیں کچل ڈتا،حادثہ اتنا ڈاڈھا ہئی جو ثقلین عمر پنج سال،سلمان عمر ترائے سال اتے سمیرہ عمر چار سال موقع تے ای جاں بحق جڈانجو موٹرسائیکل چلاونڑ آلا بھرا حسنین زخمی تھی گئیا،پولیس اتے ریسکیو1122موقع تے پج گئیاں اتے لاشاں کوں ڈسٹرکٹ ہیڈ کوارٹر ہسپتال مظفرگڑھ پجا ڈتا،پولیس تھانڑاں صدر ڈرائیور کوں گرفتار کر تے مقدمہ درج کر گھدے۔
