اسلام آباد ۔ 5 ستمبر (اے پی پی) پاکستان پیپلز پارٹی میانمر اچ روہنگیا دے مسلماناں دے وحشیانہ قتل اتے انھاں تے کیتے ونجنڑ آلے مظالم دے حوالہ نال تحریک التواءقومی اسمبلی سیکرٹریٹ اچ جمع کرا ڈتی۔ حزب اختلاف دے ذرائع موئجب قومی اسمبلی سیکرٹریٹ اچ قائد حزب اختلاف سیّد خورشید شاہ، پیپلز پارٹی دے پارلیمانی لیڈر سیّد نوید قمر، ارکان قومی اسمبلی نواب محمد یوسف تالپور، ڈاکٹر نفیسہ شاہ، اعجاز حسین جاکھرانی، غلام مصطفی شاہ، شازیہ مری، عمران ظفر لغاری، بیلم حسنین اتے شاہدہ رحمانی دی طرف جمع کرائی گئی تحرک التواءاچ میانمر اچ روہنگیا دے مسلماناںدی نسل کشی اتے انھاں تے کیتے ونجنڑ آلے ظلم تے سخت تشویش دا اظہار کریندے ہوئے مطالبہ کیتا اے جو ایوان دی کارروائی روک تے معاملہ تے بحث کیتی ونجے ۔
