اسلام آباد ۔ 19 فروری (اے پی پی) گزریل سال دے مقابلہ اچ جاری سیزن دے دوران کپاہ دی پیداوار اچ 7.49 فیصد داودھارا تھئے ۔ پاکستان کاٹن جنرز ایسوسی ایشن (پی سی جی اے) دی رپورٹ مطابق 15 فروری 2018ءتئیں ملک اچ کاٹن جنرز کنوں کپاہ دی 11.4 ملین گٹھاں پجیاں ہن۔پورے ملک اچ کاٹن جنرز ہک کروڑ 14 لکھ 57 ہزار 111 کپاہ دیاں گٹھاں دا عمل مکمل کیتا۔ رپورٹ مطابق پنجاب اچ کپاہ دیاں گٹھاں دی وصولی 4.84 فیصد دے ودھارے دے نال 7.2 ملین بیلز رہی جڈانجوسندھ اچ 12.32 فیصد ودھارے نال 42 لکھ 52 ہزار 414 گٹھاں وصول تھئیاں۔ پی سی جی اے دے اعدادوشمار مطابق 15 فروری 2018ءتئیں مجموعی طور تے ہک کروڑ 6 لکھ 56 ہزار 256 پھٹی دیاں گٹھاں دی خریداری کیتی گئی ہے ۔ ٹیکسٹائل دی مقامی صنعت ہک کروڑ 4 لکھ 39 ہزار 641 جڈانجو برآمدکنندگان 2 لکھ 16 ہزار 216 گٹھاں پھٹی خرید کیتی ہے۔
