سعودی حکومت مکہ المکرمہ اچ مسجد الحرام اچ معذوراں کیتے خاص جاہیں مقرر کرڈتن

مکة المکرمہ ۔ 9 فروری (اے پی پی) سعودی حکومت مکة المکرمہ اچ مسجد الحرام اچ معذور لوکاں کیتے خصوصی جاہیں مقرر کر ڈتن تاں جو اومعمول دیاں عبادات، خاص کر حج اتے عمرہ دے دوران سوکھ نال رہ سگن۔ایں سانگے مسجد الحرام اچ ترائے جاہیں معذور افراد،سنڑن اتے اکھیں توں متھاج لوکاں کیتے رکھیاں گن۔معذور لوکاں کوں ہفتے دے ستے ڈینہہ انہاں مخصوص جاہیں تے آونڑ دی اجازت ہوسی۔سنڑن توں محروم لوک جمعہ کوں سویل ویلھے نماز پڑھ سگسن۔منصوبے دا افتتاح امام کعبہ شیخ عبدالرحمٰن السدیس کیتے۔جسمانی معذور افرادکیتے مسجد الحرام اچ مختص جاہ شاہ فہد توسیع آلے علاقے اچ اے جتھاں ونجنڑ کیتے گیٹ نمبر 68 استعمال کیتا ویندے،سنڑن توں محروم لوک اپنڑی مقررہ جاہ تے ونجنڑ کیتے شاہ فہد گیٹ یا گیٹ نمبر 93 استعمال کرسگدن۔