سہ فریقی ٹی ٹوئنٹی سیریز؛پاکستان آسٹریلیا کوں 45 رنزتوں ہرا ڈتے

ہرارے ۔ 5 جولائی (اے پی پی) فخر زمان دی بہترین بلے بازی اتے شاہین شاہ آفریدی دی طوفانی بولنگ پاروں پاکستان سہ فریقی ٹی ٹوئنٹی کرکٹ سیریز دے اہم میچ اچ آسٹریلیا کوں پنتالی رنز توں ہرا ڈتے۔پاکستان دے 194رنز دے جواب اچ آسٹریلوی ٹیم 149رنز بنڑا سگی،فخر زمان دے شاندار 73 رنز، شاہین شاہ آفریدی دے ترائے شکار۔سیریز دے پنجویں میچ اچ پاکستان پہلے کھیڈدے ہوئے مقررہ اوورزاچ 7 وکٹاں دے نقصان تے 194 رنزبنڑائن۔ فخر زمان 3 چھکے اتے 9 چوکے مار تے 73 رنزبنڑائن۔آصف علی ناقابل شکست 37، حسین طلعت 30، شعیب ملک 27 ، کپتان سرفراز احمد 14 بنڑا تے آﺅٹ تھین۔آسٹریلیا ولوں اینڈریو ٹائے ترائے ، رچرڈ سن ڈو جڈاں جو گلین میکسویل اتے سٹوئنس ہک ہک وکٹ گھدی۔ جواب اچ آسٹریلیا ست کھیڈاڑیاں دے نقصان تے ہک سو اننجھاہ رنز بنڑا سگی۔ایرون فنچ 16،ٹراویز ہیڈ 7، گلین میکسویل 10، نک ماڈینسن 5 اتے شارٹ 28 رنزبنڑا تے آو ¿ٹ تھین۔سٹوئنس16 ،ایشٹن ایگر 11 ، کیری 37 اتے ٹائے 12 رنزنال ناٹ آﺅٹ رہین۔ پاکستان دے شاہین شاہ آفریدی ترائے، محمد عامر، فہیم اشرف، شاداب خان اتے عثمان خان ہک ہک وکٹ گھدی۔فخر زمان کوں میچ دا مہاندرا کھیڈاڑی قرار ڈتا گئے۔